Tengiliðir

Mótsstjóri: 

María Sæm Bjarkardóttir, 864-9640, maria.saem@simnet.is

Mótanefnd:

Sveinn Jónsson, 899-2572

Andri Már Helgason, 849-8989

Kafli 4.7

4.7.1 

Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum keppendum eða nýta sér skjól eða kjölsog af öðrum keppendum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1.000 metra. Óheimilt er fyrir hægari keppanda að reyna að taka fram úr þeim hraðari nema hafa fyrst farið a.m.k. 25 metra fyrir aftan þann hraðari.

4.7.2

Keppendur í A-flokk/Elite skulu ræstir út með að minnsta kosti 60 sek millibili. Aðra flokka má ræsa með 30 sek millibili. Að minnsta kosti 60 sek. skulu líða milli ræsinga á milli flokka.

4.7.3

Rásröð skal miðast við stöðu í bikarmótaröð keppnistímabilsins. Á fyrsta móti tímabils skal miða við úrslit bikarmótaraðar síðasta keppnistímabils. Ríkjandi Íslandsmeistari skal þó ávallt ræsa síðastur óháð stöðu viðkomandi í mótaröð. Keppnishaldari ræður röð keppenda á ráslista sem ekki hafa stig í mótaröð. Þeir skulu þó ræsa á undan keppendum sem hafa stig.

4.7.4

Í ræsingu skal halda keppendum og skulu allir keppendur fá slíka aðstoð frá starfsmanni á vegum keppnishaldara. Keppendum er frjálst að afþakka hald kjósi þeir svo. Ekki má ýta keppendum af stað.

4.7.5

Keppandi skal ræsa samkvæmt fyrirmælum ræsis, eftir niðurtalningu. Einnig er heimilt að nota rafræna klukku til ræsingar. Ef keppandi kemur of seint í ræsingu skal tímataka hans hefjast frá áður ákveðnum rástíma hans. Þegar keppandi fer of seint af stað skal þess gætt að trufla ekki aðra sem verið er að ræsa. Ræsir hefur heimild til að halda seinum keppanda í rásmarki til að trufla ekki aðra keppendur sem eru að ræsai.

4.7.6

Keppendur mega ekki þiggja fylgd eða hvatningu frá aðila í ökutæki á ferð. Mótsstjórn getur ákveðið í sérstökum tilfellum að leyfa einum fylgdarbíl að fylgja hverjum keppanda.

4.7.7

Fulltrúi frá HRÍ skal vera í öllum leyfilegum fylgdarbílum og skal ökutækið alltaf vera a.m.k. 20 metrum fyrir aftan viðkomandi keppanda. Þurfi keppandi aðstoð úr fylgdarbíl verður keppandi að stöðva áður en fylgdarbíll má nálgast keppanda.